Newton-rom ved Firda vgs

Innan skulestart hausten 2010 skal vi ha på plass eit ferdig innreia Newton-rom med auditorie-del og arbeidsplassar for øvingar/eksperiment. Vi ynskjer I utgangspunktet å satse på eitt hovudtema, energi og klima. Etter kvart som ein haustar erfaringar kan det vere aktuelt å utvide med fleire tema.
Energikjelder og klimaendringar er svært sentrale i samfunnsdebatten og vil verte endå viktigare i åra framover. Der er også ein nær samanheng mellom energibruk og klimaendringar, så det er naturleg å sjå desse i samanheng.

Målet for prosjektet er å etablere eit "Newtonrom" som skal kunne:
• vere eit ”Vil vite” – senter i realfaga for elevar i grunnskule og vidaregåande skule
• vere eit senter for etterutdanning av lærarar i realfaga
• vere eit kompetansesenter for realfaga i Nordfjordregionen
• utvikle tettare samarbeid og samhandling mellom skule og næringsliv