Newton-rom ved Firda vgs

Newtonrommet på Firda vidaregåande skule vart opna 2.3. 2011 av leiaren i energi- og miljøkommiteen på  Stortinget, Erling Sande. Vi har fine nyinnreia lokale med auditorie-del og arbeidsplassar for øvingar/eksperiment. Vi satsar i utgangspunktet  på eitt hovudtema, energi og klima. Etter kvart som ein haustar erfaringar kan det vere aktuelt å utvide med fleire tema.
Energikjelder og klimaendringar er svært sentrale i samfunnsdebatten og vil verte endå viktigare i åra framover. Der er også ein nær samanheng mellom energibruk og klimaendringar, så det er naturleg å sjå desse i samanheng.

Modulane vi satsar på er: Fornybar energi -for 9. klasse og Energiframtida for Vg1, vidaregåande skular. Den siste er ikkje endeleg godkjend enno, så vi brukar eigne opplegg så lenge.

Målet for prosjektet er eit "Newtonrom" som skal kunne:
• vere eit  senter i realfaga for elevar i grunnskule og vidaregåande skule
• vere eit senter for etterutdanning av lærarar i realfaga
• vere eit kompetansesenter for realfaga i Nordfjordregionen
• utvikle tettare samarbeid og samhandling mellom skule og næringsliv

Vi er no i piloteringsfasen, og inviterer naturfagslærarar frå ungdomsskular i Gloppen 24. 3. for å gjere seg kjende med modulen om fornybar energi. I samband med besøk av  9. klassar frå elles i Nordfjord i programfag til val, har vi ein introduksjon for naturfagslærarane som følgjer desse klassane 15.3.
Vi sender med det fyrste ut invitasjon til nettverket i naturfag for vidaregåande skular i fylket  om å kome hit 13.4. Då vil vi syne øvingar frå begge modulane, både den for U-skulane og den for Vg1, vidaregåande skular. 
Så snart som mogeleg ønskjer vi lærarane tilbake med elevane sine.

Forside | Fag/kompetansemål | Forarbeid | Etterarbeid | Praktisk info